سياسة الخصوصية

المعلومات اللي نجمعها

الموقع ما فيه تسجيل دخول ولا نماذج ترسل بياناتك لخوادمنا. لما تضغط زر الواتساب أو الاتصال، تنتقل لتطبيق الواتساب أو الهاتف عندك، والرسالة توصلنا مثل أي رسالة عادية.

نحسب إحصاءات بسيطة بدون كوكيز: الصفحات اللي تزورها وكم تقعد فيها، ومن وين جيت (مثلاً من بحث جوجل)، والضغط على أزرار الواتساب والاتصال. ما نحفظ اسمك ولا رقمك ولا عنوان الإنترنت عندك: نحفظ رمز مشفر يتغير كل يوم، والمنطقة بشكل تقريبي (المحافظة).

إذا استخدمت نموذج طلب التسعيرة، نحسب الخدمة والمنطقة اللي اخترتها بس. الاسم والتفاصيل تروح برسالة الواتساب مباشرة وما تنحفظ عندنا.

ونستخدم أداة كلاريتي من مايكروسوفت عشان نفهم شلون الناس يتصفحون الموقع (وين يضغطون ولوين ينزلون)، وهي تستخدم كوكيز خاصة فيها.

شلون نستخدم معلوماتك

نستخدم رقمك والصور والتفاصيل اللي ترسلها بس عشان نرد عليك ونرتب المعاينة والعرض والشغل. ما نبيع معلوماتك ولا نعطيها لأي أحد.

حقوقك

تقدر تطلب منا نمسح رسائلك وصورك في أي وقت عن طريق الواتساب أو الاتصال. ولأي سؤال عن الخصوصية تواصل معنا.