الأسئلة الشائعة عن المقاولات والترميم

اتصل على الرقم أو ارسل واتساب واكتب المنطقة ونوع الشغل، ويفضل ترسل صور. نتفق معاك على موعد يناسبك ونجيك نشوف الشغل على الطبيعة.

لا. المعاينة عشان نفهم الشغل ونعطيك سعر واضح. بعدها تقرر براحتك، وما نبدي أي شغل إلا بعد ما نتفق.

الاثنين ممكن. نقدر نوفر المواد ونكتبها بالتفصيل في العرض، أو تشتريها انت ونركبها احنا. المهم نتفق على نوع المادة ومواصفاتها قبل البداية.

نتفق على طريقة الدفع قبل البداية، وعادة تكون على مراحل مربوطة بالشغل اللي يخلص، وكل شي يكون مكتوب وواضح.

يعتمد على حجم الشغل ونوعه. بعد المعاينة نعطيك مدة تقريبية لكل مرحلة، ونبلغك أول بأول إذا صار شي يأثر على الوقت.

في أغلب الشغل إي، خصوصاً إذا قسمنا الشغل على مراحل غرفة غرفة. في التكسير الكبير أو الصبغ الكامل ننصحك بترتيب مكان ثاني لأيام قليلة، ونتكلم معاك بهالشي من البداية.

الصبغ والترميم الداخلي ما يحتاج عادة. أما البناء الجديد والملاحق وأي تعديل إنشائي فلازم يكون عندك الترخيص والمخطط المعتمد قبل لا نبدي، ونشتغل حسب المخطط.

نرتب مكان الشغل ونشيل مخلفاتنا ونسلمك المكان مرتب. نتفق على تفاصيل التنظيف ونقل الأنقاض الكبيرة في العرض من البداية.

إي، نشتغل على الشقق والبيوت الحكومية والقسائم والفلل والشاليهات والمزارع والاستراحات. كل مكان وله طريقته، ونرتب الشغل حسبه.

الصور تعطينا فكرة أولية ونقدر نقولك تقريباً شنو يحتاج الشغل، بس السعر النهائي يكون بعد المعاينة لأن أشياء وايد ما تبين بالصور مثل الرطوبة داخل الجدار.